VollGutDruff

Pfälzer Lyrik: Sebastian Deuber (2025)
Original: Jimmy Eat World - The Middle (2001)

Hey, wie wars Leewe friehr trist
Ach hab isch de Dialekt vermisst
Bei jedem Song

Jo alla hopp
Donn war's im Kopp do drin
Des Gonze werd endlich umgesetzt
Wurd ach Zeit jetzt

Mir sin VollGutDruff
Un fer eisch woll'mer uff die Bühn do nuff
Gebt uns drei Akkorde unn en geile Beat
Do draus bau'mer donn glei unser neggschdes Lied, ja Lied

Simon, der war donn glei debei
Drischd brudal uff die Felle oi
Donn rockts a glei

Unn an de Klampf?
War die Such en Krampf
Bis der Seb soi drei Akkorde lernt
Kreischt laut de Bernd

Mir sin VollGutDruff
Un fer eisch woll'mer uff die Bühn do nuff
Gebt uns drei Akkorde unn en geile Beat
Do draus bau'mer donn glei unser neggschdes Lied, ja Lied

Weil, nur zu dritt uhne Bass
Macht Musig noch net so viel Schbass
Do isch Bernie krass

Weil, ja mir vier
Mir rocken ab wie's Tier
Sinn ach nedd so besonnerschd virtuos
Doch die Frääd isch groß

Mir sin VollGutDruff
Un fer eisch woll'mer uff die Bühn do nuff
Gebt uns drei Akkorde unn en geile Beat
Do draus bau'mer donn glei unser neggschdes Lied, ja Lied