Die Palz so lieb

Pfälzer Lyrik: Bernd Schwab (2026)
Original: Wolfgang Petry - Ruhrgebiet (1993)

Wonn om Morsche die Sunn frieh uffgeht
Unn donn schäh iwwer't Wingert owwe donn steht
Im Bodde die Saat werd oiwondfrei zur Frucht
De Pälzer Bodde, der isch escht ä Wucht

Wonn'd Leit ach als redden ä bissel laut
Klingt jedi Zeil do so schäh un vertraut
Do werd gebechert bis de Dorscht isch erlosch'
Gebbabbelt werd wie gewachse die Gosch

Mir hänn die Palz so lieb
Des Herzblut des so sischdisch macht
Wu's Glick fer alle lacht
Do geht mer nimmi fort

Mir hänn die Palz so lieb
De schähnschte Ort uff dere Welt
Wu mer sisch gern uffhält
Mir hänn die Palz so lieb
's isch die Palz fer disch unn misch

Zwische Woistroß un Rhoiufer wer mer gern alt
Hischelisches Pälzer Berglond, dischter Pälzerwald
De Rhoi deelt die Palz vum Gelfießler Lond
Om sechsde Erschde wer mer donk de Brigge iwwerronnt

Mir sinn offe fer vieles, mir prägen die Zeit
Genuss isch fer uns des Schähnschde ihr Leit
En halwe Lidder, Schobbe isch ä schähnes Maß
's werd g'feiert unn gezabbelt, ja do gewwe mer Gas

Mir hänn die Palz so lieb
Des Herzblut des so sischdisch macht
Wu's Glick fer alle lacht
Do geht mer nimmi fort

Mir hänn die Palz so lieb
De schähnschte Ort uff dere Welt
Wu mer sisch gern uffhält
Mir hänn die Palz so lieb
's isch die Palz fer disch unn misch

Do wachsen die Reewe un do reift ach de Woi
Die Schlesser un die Burge, do woll mer immer soi
Do brau'n se geile Biere, des isch net nur ä Brie
Mir sin do gern dehäm, unn do g'her mer hie

Mir hänn die Palz so lieb
Des Herzblut des so sischdisch macht
Wu's Glick fer alle lacht
Do geht mer nimmi fort

Mir hänn die Palz so lieb
De schähnschte Ort uff dere Welt
Wu mer sisch gern uffhält
Mir hänn die Palz so lieb
's isch die Palz fer disch unn misch