Siwwe Prozent Akku
Pfälzer Lyrik: Bernd Schwab (2025)
Original: The White Stripes - Seven Nation Army (2003)
Isch werr verrickt im Kopp
Nur "Siwwe Prozent Akku" zeigt des Handy noch oh
Kä Ladekawel do
Unn induktivi Ladung, ja des konn des net
Isch bin grad unnerwegs zu emme
saarlännische Geschäftstermin
Des Display stoppt die Wegbeschreiwung
bassend verdunkelt sisch donn moi Mien
Unn die Rage steigt uff "Maximal":
"Ach, leck misch doch grad fett!"
Esse der Daacheskaad
Nur "Siwwe Prozent Akku" zeigt des Handy noch oh
Unn der QR-Code do
verbirgt des Esse hinner Quadrate uff weiss
Awwer moi Handy isch jetzt ball gonz leer
G'scherr-spiele droht in de Kisch
Bezahle konn isch jetzt nimmi
's bleibt die Zahl unner'm Strich
Wennigschdens bin isch jetzt satt:
"Geb mer des Spüli her!"
Kruscht ins Netz noigestellt
Nur "Siwwe Prozent Akku" zeigt des Handy noch oh
Die Auktion laaft ball aus
De Preis is viel zu billisch, unn er misst noch hoch
Ja, verschenke, ja verschenke, ja verschenke
will mers jo ach net
Es isch kä Zeit mehr do unn isch
dreh glei dursch komplett
Weil de Akku isch jetzt komplett leer:
"Donn nemm's halt grad geschenkt!"