Pälzer Himmel
Pfälzer Lyrik: Sebastian Deuber (2025)
Original: Hubert Kah (1982) / Die Quietschboys (2005) - Sternenhimmel
Wonn isch uff de Kalmit steh,
unn so in die Londschaft seh
Wissen ihr, was isch donn denk:
Unser Geeschend isch ä G'schenk!
Ja, beim Wonnre brauchts als wirklisch Fleiß,
doch drowwe, uff de Hidd gibts Tronk un Speis
Mir wohn' do im Pälzer Himmel, Pälzer Himmel, Pälzer Himmel, oh oh,
Fer uns strahlt de, Pälzer Himmel, Pälzer Himmel, Pälzer Himmel, oh oh
Klar, im Summer - ischs als schwiel,
doch des macht mer gar ned viel
Om Baggersee, do sitz isch gern,
konn isch's owends summe hern
Ja, weil 'd Schnooke finnen des ach gut,
trinken gern gut geimpftes Pälzer Blut
Mir wohn' do im Pälzer Himmel, Pälzer Himmel, Pälzer Himmel, oh oh,
Fer uns strahlt de, Pälzer Himmel, Pälzer Himmel, Pälzer Himmel, oh oh
Isch er donn vorbei, de Summer,
hab isch domit gar kenn Kummer
Gebt's Grumbeersupp un Quetschekuche,
muss isch nix wuannerschd buche
Bei Zwiwwelkuche un bei neiem Woi,
loss der gesaacht soi: "Schnauf jetzt nedd dief oi"
Trotzdem isch's de Pälzer Himmel, Pälzer Himmel, Pälzer Himmel, oh oh,
Fer uns strahlt de, Pälzer Himmel, Pälzer Himmel, Pälzer Himmel, oh oh
La, la la la - la la la - la la la la la la - La, la la - la la la - la la
La, la la la - la la la - la la la la la la - La, la la - la la la - la la
Oh Palz, du gonz besonnrer Fleck
Oh Palz, vun dir do will isch niemols weg
Mir wohn' do im Pälzer Himmel, Pälzer Himmel, Pälzer Himmel, oh oh,
Fer uns strahlt de, Pälzer Himmel, Pälzer Himmel, Pälzer Himmel, oh oh
Mir wohn' do im Pälzer Himmel, Pälzer Himmel, Pälzer Himmel, oh oh,
Fer uns strahlt de, Pälzer Himmel, Pälzer Himmel, Pälzer Himmel, oh oh