Isch dreh glei ab
Pfälzer Lyrik: Bernd Schwab (2008)
Original: Plastic Bertrand - Ça plane pour moi (1977)
Freidach Nacht, 's isch nix los. Will jetzt fort, voll doodi Hos.
Des konn net soi! Muss los unn zack.
Bin jetzt grad rischdisch gut uff Trab.
Geht mer alles uff de Sack - Uh Wi-Hi-Ju
Jetzt geht's glei ab.
Alla hop! Awwer jetzt! Lade noi gehetzt unn erscht e'mol hiegsetzt.
Nix los - Der Lade leer
Die Laach isch zimmlisch ausichtslos.
Donn zurigg halt uff die Stroß - Uh Wi-Hi-Ju
Der Owend kinnt grad besser soi.
Isch dreh glei ab - Isch dreh glei ab
Isch dreh glei ab, ab, ab, ab, ab - Isch dreh glei ab
Uh Wi-Hi-Ju - Isch dreh glei ab
Somsdaachs donn, Oikaafszeit: Parkplatz is grad kenner frei
Do isch arge Durschdrehverkehr
Om liebschde all jetzt vun de Stroß
Die Hell isch do los - Uh Wi-Hi-Ju
Isch will des Zeisch jetzt aus de Doos.
Isch dreh glei ab - Isch dreh glei ab
Isch dreh glei ab, ab, ab, ab, ab - Isch dreh glei ab
Uh Wi-Hi-Ju - Isch dreh glei ab
Jetzt werd's bleed, bin zu speet! Glei kumm'n 'd oigelade Leit! Bin net soweit
Des Zeisch de Offe noi
Die kummen b'stimmt mit Hunger bei
Unn de Pizza-Dinscht hot frei - Uh Wi-Hi-Ju
Isch krisch jo noch die Wallung glei.
All sin satt, lief jo glatt. Ball isch Schluß mim Wocheend, viel rumgerennt.
Do driggt was wie verriggt
Des war ä gonz extremi Schärf
Ob mer's nochmol spiere därf? - Au Au-Au-Au
Unn ob de Bobbes des mitmacht?
Isch dreh glei ab - Isch dreh glei ab
Isch dreh glei ab, ab, ab, ab, ab - Isch dreh glei ab
Uh Wi-Hi-Ju - Isch dreh glei ab
Isch dreh glei ab - Isch dreh glei ab
Isch dreh glei ab, ab, ab, ab, ab - Isch dreh glei ab
Uh Wi-Hi-Ju - Isch dreh glei ab